Litlir kossar í lífi Kossakrílisins

Djöfull leiðist mér....

Vá hvað ég væri til í að vera að gera eitthvað allt annað en ekki neitt í augnablikinu, hefði getað farið á djamm með mastersnemum, en fannst það of mikið vesen (redda gistingu eða fara edrú), hefði getað kíkt aðeins út með Ástunum en nennti heldur ekki suður til þess, ætti að vera að læra en bara nenni því engan veginn. Alveg ómöguleg þessa stundina.... ekki einu sinni fólk á msn til að tala við, örugglega allir að djamma nema ég.... svona er maður vitlaus, láta letina stoppa sig. Spurning hvort maður fari ekki bara og taki dvd mynd, þ.e. ef ég nenni því :S VAAAAÁÁÁÁÁÁ hvað ég er löt :D

Samt var ég nú töluvert dugleg í dag, er byrjuð hjá einkaþjálfara og oh my god hvað maðurinn er mikill snillingur... það er sko engin miskun og maður hleypur á milli tækja, geðveikt gaman og ótrúlegt en satt þá er ég búin að borða bara hollustu í heila þrjá daga, get samt ekki beðið eftir morgundeginum (nammidagur) ætla að fá mér eitthvað gott, hugsanlega út að borða með skvízunum í tilefni að afmæli aðal skutlunnar hennar Lilju ... til hamingju með afmælið stelpa ;0)

Vá þetta er meira að segja orðið leiðinlegt blogg, best að hlýfa ykkur í fyrir meiru í bili

over & out

Enn er líf í gömlum glæðum!

Þeir sem mig þekkja hafa tekið eftir því að ég hef mýkst töluvert í seinni tíð (nú hljóma ég eins og ég sé hundgömul þó enn hafi ég ekki náð kvartöld), ég er farin að grenja yfir sorglegum, rómantískum eða happy ending myndum og það sem verra er bregða við að horfa á hryllingsmyndir. Sú var tíðin að ég var svo tilfinningalega bæld að það sást ekki tár á hvarmi þótt ég horfði á vasaklúta myndir og allar stelpur í kringum mig væru orðnar rauðeygðar (ég kenni Lion King alfarið um þær breytingar sem hafa orðið síðan) og ég hló eins og vitleysingur yfir hryllingsmyndum sem fengu verstu karlmenn til að skjálfa á beinunum.

Ég var farin að hafa töluverðar áhyggjur af því að ég þetta hörkutól væri farin að mýkjast of mikið, sök sé með sorglegu myndirnar, allt í lagi að grenja yfir þeim því það sýnir bara að ég sé ekki algjörlega tilfinningalega bæld, grenja yfir rómantískum myndum tel ég bara vera tímabundið þar sem ég er á "langar í kærasta" tímabili, en hryllingsmyndirnar var ég aftur á móti ekki sátt við að vera að missa tökin á.

Það var því mikil ánægja að sjá að það eru enn til hryllingsmyndir sem fá mig til að veltast hreinlega um af hlátri, datt niður á Freddy vs. Jason sem var sýnd á stöð 2 í kvöld og ég hreinlega var mjög fegin að fólk sá ekki til mín þar sem ég sat ein og hló eins og vitleysingur á meðan blóðsletturnar spíttust út og suður yfir skjáinn og ýmsir líkamspartar fengu að fjúka af. Svo ég tali nú ekki um hinar sílikon fylltu leikkonur sem stóðu sig með prýði í píkuskrækjum og ofur töff leikara sem litu þó nokkrir ágætlega út ;0)

Þannig að nú get ég farið að sofa róleg vitandi að ég er ekki algjörlega búin að breytast í softy ;0)

Krílið kveður.....not afraid of the dark múhahahahaha

Leynilegur aðdáandi???

Já þá er verkefnatörn lokið í bili þ.e. c.a. tvo daga eða svo og varla það því ég þarf að hafa tíma til að læra fyrir próf í millitíðinni. En það er bara boring stuff svo ég nenni ekki að skrifa um það.

Stjörnuspáin mín segir að í október komi leynilegur aðdáandi til með að afhjúpa sig og auvitað, þar sem stjörnuspár ljúga aldrei, þá er ég núna mjög spennt yfir að vita hver þessi leynilegi aðdáandi sé, hingað til hafa aðdáendur mínir ekki verið mjög leynilegir, þvert á móti afar augljósir, þannig að það væri ekki slæmt ef einhver breyting yrði þar á. En samt with my luck þá verður þessi aðdáandi ekki það sem ég vil og stjörnuspáin mín sagði líka að ég væri on fire þennan mánuðinn og ég yrði að passa að láta bara fáa vel útvalda njóta þess. Hvaða merkingu sem maður getur lagt í það... samt mjög skemmtileg stjörnuspá... mjög upplífgandi :0D

Any ways, látið mig endilega vita ef þið verðið vör við einhverja aðdáendur mína á sveimi, og ef þið viljið verða í návist minni þennan mánuðinn.... take a number!!!!!

Krílið kveður..... með 230% egó