Litlir kossar í lífi Kossakrílisins

Halló.

Þá er maður mættur aftur og ég verð bara að byrja á að monta mig af því að ég var bara að eignast lítinn frænda fyrir tæpum tveimur tímum .... svooooo sætur, allavega á myndum en hann getur ekki verið annað en myndarlegur strákurinn, hann er jú frændi minn Til hamingju Hafdís og Öddi og munið að hringja bara í mig ef ykkur vantar barnapíu.... ég verð komin á 5 mínútum


Annars er voða lítið spennandi að frétta.... byrjuð í skólanum á fullu, það á heldur betur að byrja þetta ár með krafti, strax orðin hundruðum síðum eftir á.... FRÁBÆRT. En ég verð að spíta í lófana og læra alla daga núna og komast á undan áætlun, svo ég tækli prófin og komist með góðri samvisku til Costa Rica.... Jebb er á leiðinni í sólina á Costa Rica í janúar, í útskriftarferð, hlakkar svoooo til... maður á nú skilið að fá frí svona einu sinni.

Jæja best að fara að læra.... ekki veitir af.

Krílið kveður bæjó

Hjello

Haldið ekki að stelpan hafi fengið loksins að kíkja á lögfræðistofu í dag... fékk að skoða ýmis mál sem eru í gangi og sjá hvernig þetta fer allt saman fram... ég verð að segja að þetta var mjög skemmtilegur dagur og ég týndi mér gjörsamlega í skjölunum, gleymdi meira að segja að borða og allt, tíminn bara flaug áfram. Ég vona að það sé til marks um að þetta sé það sem ég kem til með að starfa við í framtíðinni.

Lögfræðingurinn sem var mér innan handar var líka frábær, leyfði mér að taka mikinn þátt í því sem hann er að gera og sýndi mér á forrit og annað slíkt sem þeir notast við t.d. í innheimtumálum, mun einfaldara en ég hélt.
Get ekki beðið eftir að fá að kíkja aftur við.

Langaði bara aðeins að deila þessu með ykkur

Krílið kveður og býður góða nótt

Hæ Hæ

Allt gott að frétta hérna megin fyrir utan það að sumarið er að verða búið og ég veit bara ekkert hvert það fór, gjörsamlega týndi því einhvers staðar - sennilega í vinnunni og öðru sannsi. Mig hlakkar aldrei þessu vant ekkert til þess að fara í skólann ég er gjörsamlega komin með krónískan skólaleiða held ég bara, svitna bara við tilhugsunina. Maður verður samt að reyna að komast í gegnum þetta... ég bara verð.





Annars var ég bara að koma úr borginni.... kíkti til Lilju skvízu og Katrínar Leu og Daða auðvitað og við Lilja og Katrín kíktum í Smáralindina og fengum okkur að borða og keyptum fingramálningu fyrir Katrínu og ég leyfði henni líka að velja sér sætan bangsa, hún er svo yndisleg þessi litla dúlla að það nær ekki nokkurri átt, svo góð í öllum búðunum og lék sér bara allan tímann sem við vorum á Pizza Hut og aldrei heyrðist neitt frá henni nema hlátur og kátínuhljóð, mig langar í svona barn, algjör engill

Svo reyndar leyfðum við Daða að hafa hana hjá sér um kvöldið og við Lilja skelltum okkur í bíó að sjá myndina Shaun of the dead sem var bara algjör snilld, nema ég hafi svona súran húmor, aðrir bíógestir virtust reyndar skemmta sér mjög vel líka.
Þetta var náttúrulega algjört rugl og það allt en mjög fyndið rugl, ég mæli með henni (kannski ekki alveg Óskars verð en mjög fín afþreying á þriðjudagskvöldi)

En já ég er að spá í að fara að halla mér.... vakna snemma og fara í gymmið... maður verður víst að fara að gera eitthvað í þessum aukakílóum, allir að tapa kílóum nema ég... held að fólk sé með eitthvað samsæri gegn mér... taka aukakíló frá sér og henda yfir á mig... en bíðið bara ég get sko alveg varið mig... eða það ætla ég að vona

Any way... good night